Sveitarstjórn Bláskógabyggðar

-liður 7, Syðri-Reykir lóð (L167450); byggingarheimild; sumarhús mhl 02 - 2412051
Móttekin var umsókn, þann 17.12.2024, um byggingarheimild fyrir 52 m2 sumarhús (mhl 02) á sumarbústaðalandinu Syðri-Reykir lóð L167450 í Bláskógabyggð.
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa. Sveitarstjórn beinir því til lóðarhafa að samhliða væri eðlilegt að vinna merkjalýsingu sem tekur til hnitsetningar lóðarinnar.



-liður 8. Úthlíð; Miðbrún 2-3; Deiliskipulagsbreyting - 2411033
Lögð er fram tillaga deiliskipulagsbreytingar, eftir grenndarkynningu, sem tekur til Miðbrúna 2-3 í Úthlíð. Stærð lóða og byggingarreita breytast og aðkomu er breytt. Umsögn barst við grenndarkynningu og er hún lögð fram við afgreiðslu málsins ásamt uppfærðum gögnum.
Sveitarstjórn Bláskógabyggðar samþykkir framlagða deiliskipulagsbreytingu eftir grenndarkynningu. Sveitarstjórn telur að brugðist hafi verið við umsögnum sem bárust vegna málsins með fullnægjandi hætti innan gagnanna. Sveitarstjórn mælist til þess að breytingin taki gildi með birtingu auglýsingar í B-deild Stjórnartíðinda. Gögnin verði send Skipulagsstofnun til varðveislu í samræmi við 42. gr. skipulagslaga nr. 123/2010.



-liður 9. Haukadalur 4 L167101; Útfærsla á bílastæðum; Deiliskipulagsbreyting - 2412065
Lögð er fram tillaga óverulegrar deiliskipulagsbreytingar sem tekur til Haukadals 4 L167101 og Hótel Geysis. Í breytingunni felst breytt útfærsla bílastæða í þeim tilgangi að skapa betra flæði umferðar og fækka þeim stöðum sem gangandi vegfarendur þurfa að þvera akstursleiðir. Fjöldi bílastæða helst óbreyttur og byggingarmagn breytist ekki.
Sveitarstjórn Bláskógabyggðar samþykkir viðkomandi breytingu á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi. Þar sem engir aðrir hagsmunaaðilar eru innan svæðisins en umsækjandi er ekki talin þörf á grenndarkynningu.



-liður 10. Lækjarhvammur L167642; Bakkabraut 12, 14 og 16; Frístundahúsasvæði; Deiliskipulagsbreyting - 2501022
Lögð er fram tillaga deiliskipulagsbreytingar sem tekur til þriggja lóða við Bakkabraut í landi Lækjarhvamms innan frístundasvæðis F20. Í deiliskipulagsbreytingunni felst skilgreining á lóð Bakkabraut 16 sem bætist við núverandi deiliskipulagsuppdrátt. Skilmálar deiliskipulagsins haldast óbreyttir að öðru leyti.
Sveitarstjórn Bláskógabyggðar samþykkir að fresta afgreiðslu málsins.

Fundargerðin var lögð fram til kynningar hvað aðra liði varðar.

Fundargerðin var lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Umsóknin var lögð fram. Þar er sótt um styrk vegna kostnaðar við leigu á félagsheimilinu Aratungu vegna þorrablóts. Sveitarstjórn samþykkir samhljóða að veita styrk á móti kostnaði við leigu Aratungu fyrir þorrablót Bræðratungusóknar. Kostnaður rúmast innan fjárhagsáætlunar.

Erindið var lagt fram. Þar er óskað eftir heimild til að skila lóðinni Bæjarholti 12, Laugarási, sem úthlutað var 23. febrúar 2018, en ekki hefur verið byggt á lóðinni. Jafnframt er tekið fram að lóðin sé afgirt og boðið að girðing verði fjarlægð næsta sumar.
Sveitarstjórn samþykkir samhljóða að lóðinni verði skilað og felur sveitarstjóra að annast uppgjör við umsækjanda á gatnagerðargjöldum og frágangi á lóðinni og auglýsa lóðina lausa til úthlutunar.

Tilboðið var lagt fram. Það tekur til gjaldakerfis Karellen leikskólakerfisins. Sveitarstjórn samþykkir samhljóða að taka tilboðinu. Kostnaður rúmast innan fjárhagsáætlunar.

Sveitarstjórn Bláskógabyggðar veitir Vigfúsi Þór Hróbjartssyni, kt. 071085-3339, umboð til þess að undirrita f.h. Bláskógabyggðar, kt. 510602-4120, merkjalýsingar sv. lögum nr. 6/2001 um skráningu merki og mat fasteigna, vegna lands í eigu Bláskógabyggðar.

Sveitarstjórn samþykkir samhljóða samninginn sem tekur til lóðarréttinda fyrir Skálpanes, L238157, sem er innan þjóðlendu á Biskupstugnaafrétti. Undirritun Forsætisráðuneytisins liggur fyrir. Sveitarstjóra er falið að undirrita samninginn af hálfu Bláskógabyggðar og láta þinglýsa honum.

Sveitarstjórn samþykkir samhljóða samninginn sem tekur til lóðarréttinda fyrir Geldingafell 1, L238157, sem er innan þjóðlendu á Biskupstugnaafrétti. Sveitarstjóra er falið að undirrita samninginn af hálfu Bláskógabyggðar og láta þinglýsa honum að fengnu samþykki Forsætisráðuneytisins.

Sveitarstjórn samþykkir samhljóða samninginn sem tekur til lóðarréttinda fyrir Geldingafell 1, L238157, sem er innan þjóðlendu á Biskupstugnaafrétti. Sveitarstjóra er falið að undirrita samninginn af hálfu Bláskógabyggðar og láta þinglýsa honum að fengnu samþykki Forsætisráðuneytisins.

Sveitarstjórn samþykkir samhljóða að vísa samþykktunum til síðari umræðu.

Sveitarstjórn samþykkir samhljóða breytingu á samþykkt um fráveitur og rotþrær.

Sveitarstjórn samþykkir samhljóða samþykkt um kattahald í Bláskógabyggð.

Samningsdrög voru lögð fram. Samningurinn tekur til ráðgjafar, eftirlits og mælinga vegna borunar vinnsluholu á Laugarvatni, nánar tiltekið afkastamats, mælinga og greiningar svarfsýna og jarðlaga og vinnslu skýrslu um borverkið.
Sveitarstjórn samþykkir samninginn samhljóða. Kostnaður rúmast innan fjárhagsáætlunar.

Samningsdrög voru lögð fram. Samningurinn tekur til ráðgjafar, eftirlits og mælinga vegna borunar vinnsluholu í Reykholti, nánar tiltekið afkastamats, mælinga og greiningar svarfsýna og jarðlaga og vinnslu skýrslu um borverkið.
Sveitarstjórn samþykkir samninginn samhljóða, kostnaður rúmast innan fjárhagsáætlunar.

Margrét Björg Ástvaldsdóttir, Silke Freudenberger, Martha Jónasdóttir og Ástvaldur Óskarsson komu inn á fundinn undir þessum lið og kynntu starfsemi Jöklaferða ehf og áhuga félagsins á að hafa manngerðan íshelli á Langjökli og ræddu stöðu málsins í skipulagsferli.

Tillagan var lögð fram. Sveitarstjórn samþykkir að fresta afgreiðslu málsins til næsta fundar.

Ásta Stefánsdóttir og Helgi Kjartansson viku af fundi. Sveitarstjórn samþykkir samhljóða tillögu oddvita og sveitarstjóra um að laun þeirra hækki um 3,5% frá 1. janúar 2025, í stað þess að fylgja hækkun launavísitölu, sem nemur um 6,1%. Drög að samkomulagi þess efnis sem liggja fyrir fundinum verða undirrituð.

Sveitarstjórn samþykkir samhljóða að málið verði tekið til afgreiðslu á næsta fundi, upplýsingum um niðurstöðu könnunar og tillögu um breytingar á uppsagnarákvæðum verði vísað til kynningar í skólanefnd, að því loknu verði nýjar leikskólareglur teknar til afgreiðslu á fundi sveitarstjórnar.

Jón Forni Snæbjörnsson vék af fundi. Beiðnin var lögð fram. Þar er óskað eftir heimild til að halda keppnina og sambærilegum stuðningi við hana og á síðasta ári, þ.e. aðgengi að búningsklefum í íþróttahúsi og sundlaug fyrir þátttakendur í Gullsprettinum. Sveitarstjórn samþykkir erindið samhljóða. Kostnaður rúmast innan fjárhagsáætlunar.

Umsögn byggingarfulltrúa liggur fyrir. Sveitarstjórn leggst gegn útgáfu rekstarleyfis enda samræmist starfsemin ekki stefnu gildandi skipulags.

Svarbréf Mennta- og barnamálaráðuneytisins var lagt fram. Þar kemur fram að veitt er undanþága frá skilyrði um lágmarksíbúafjölda barnaverndarþjónustu, sem miðast við 6.000 íbúa, til 15. mars 2025.

Fundarboðið var lagt fram.

Umsögn Bláskógabyggðar um drög að flokkun tíu vindorkuvera var lögð fram. Umsögninni hefur verið skilað inn á samráðsgátt stjórnvalda.