Sveitarstjórn Bláskógabyggðar

Fundargerðin var lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Fundargerðirnar voru lagðar fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Fundargerðirnar voru lagðar fram til kynningar.

Fulltrúar Vegagerðarinnar, þeir Svanur G. Bjarnason og Einar Þór Stefánsson, komu inn á fundinn. Undir þessum lið sátu einnig fundinn þau Kristófer A. Tómasson, sviðsstjóri, og Lína Björg Tryggvadóttir, byggðaþróunarfulltrúi.
Rætt var um vetrarþjónustu Vegagerðarinnar, áform um framkvæmdir og viðhaldsverkefni, öryggismál og gömlu Tungufljótsbrúna og framtíð hennar. Fram kom að stefnt er að viðhaldi á ákveðnum vegarköflum, auk þess var farið yfir þau verkefni sem eru í samgönguáætlun og kom fram að endurbætur á hluta Einholtsvegar eru á áætlun 2026.
Af hálfu sveitarstjórnar er lögð áhersla á góða vetrarþjónustu, lögð er áhersla á að Einholtsvegur verði fullkláraður, jafnframt að gerðar verði úrbætur á útsýnisplani á Selbrúnum í Þingvallasveit og að umferðaröryggi verði aukið með fjölgun framhjáhlaupa á Gullna hringnum.
Sveitarstjórn hvetur ríkisvaldið til að tryggja aukið fjárframlag til vegamála, bæði nýframkvæmda, viðhalds og vetrarþjónustu. Þá áréttar sveitarstjórn að forgangsröðun verkefna verði unnin í samráði við sveitarfélögin.

Axel Sæland, formaður garðyrkjudeildar Bændasamtaka Íslands, kom inn á fundinn og ræddi þær áskoranir sem blasa við greininni vegna hækkunar á raforkuverði.
Undir þessum lið sat einnig fundinn Lína Björg Tryggvadóttir, byggðaþróunarfulltrúi.
Sveitarstjórn Bláskógabyggðar samþykkir eftirfarandi ályktun vegna hækkunar á raforkuverði um áramótin:
Sveitarstjórn Bláskógabyggðar lýsir yfir þungum áhyggjum vegna þeirra miklu hækkana sem urðu á raforkuverði nú um áramótin. Ein af grunnstoðum sveitarfélagsins er garðyrkja, tveir af þremur þéttbýliskjörnum sveitarfélagsins byggjast upp á garðyrkju sem skapar yfir 100 störf í sveitarfélaginu. Lang flest garðyrkjubýlin treysta á vaxtarlýsingu í sínum rekstri. Hætta er á að samkeppnisstaða þessara fyrirtækja muni versna til muna við þessar verðhækkanir raforku.
Aukin umræða hefur verið í samfélaginu og hjá ríkisvaldinu um fæðuöryggi og er nauðsynleg forsenda þess að grunnatvinnugreinar á sviði matvælaframleiðslu sem reiða sig á raforku hafi tryggt aðgengi að henni. Ekki er unnt að una því að þau fyrirtæki, svo og heimilin í landinu, skuli líða fyrir gallaða löggjöf sem ekki tekur á því að stórnotendur geti komist inn á smásölumarkað sem er ætlaður heimilum og minni fyrirtækjum.
Sveitarstjórn hvetur nýmyndaða ríkisstjórn að taka hratt og örygglega á því ástandi sem er að skapast á raforkumarkaði hér á landi. Sífelldar og ófyrirsjáanlegar verðhækkanir eru ekki boðlegar fyrir almenning og fyrirtæki. Ljóst er að ylræktin getur ekki tekið þátt í þessu kapphlaupi um raforkuna og verður að horfa sérstaklega til hennar til að tryggja henni áframhaldandi mikilvægan sess í þjóðfélaginu.

Unnið hefur verið að gerð samnings sveitarfélaganna fjögurra í Uppsveitum Árnessýslu við Íþróttafélag Uppsveita, ÍBU. Samningurinn hefur ekki verið staðfestur í öllum sveitarfélögunum, en sveitarstjórn Bláskógabyggð samþykkir samhljóða að um greiðslur sveitarfélagsins árin 2024 og 2025 fari samkvæmt samningsdrögunum. Kostnaður rúmast innan fjárhagsáætlunar.

Við lokafrágang fjárhagsáætlunar voru þau mistök gerð að innri viðskipti urðu of há í samþykktri áætlun, bæði í rauntölum 2023 og í áætlun vegna samstarfsverkefna. Framangreint hafði ekki áhrif á rekstrarniðurstöðu eða fjárheimildir, en er rétt að leiðrétta.
Lagt var fram yfirlit KPMG um innri viðskipti 2025 og fjárhagsáætlun 2025-2028 með leiðréttingu á innri viðskiptum. Sveitarstjórn samþykkir hér með samhljóða leiðréttingu á framangreindum innri viðskiptum. Skuldaviðmið lækkar og verður skuldaviðmið samstæðu 67,7%.

Styrkbeiðnin var lögð fram. Sveitarstjórn samþykkir samhljóða að styrkja rekstur Sigurhæða um kr. 400.000.

Lögð var fram umsókn frá Silviu Popescu (20%), Lucian Mihai Rochian (40%) og Verginel Petru Elisei (40%) um lóðina Tungurima 14. Jafnframt er óskað eftir breytingu á skilmálum deiliskipulags vegna lóðarinnar. Lóðin hefur verið auglýst laus til úthlutunar og ein umsókn borist.
Sveitarstjórn samþykkir að úthluta lóðinni í samræmi við umsóknina. Ekki er fallist á að gerð verði breyting á deiliskipulagi.

Lögð var fram umsókn Selásbygginga ehf um lóðina Brekkuholt 9. Lóðin hefur verið auglýst laus til umsóknar og ein umsókn borist. Sveitarstjórn samþykkir samhljóða að úthluta lóðinni til Selásbygginga ehf.

Sveitarstjórn samþykkir að fela oddvita og sveitarstjóra að skila umsögn um málið.

Áætlanir VA-arkitekta ehf og Verkís ehf voru lagðar fram.
Sveitarstjórn samþykkir samhljóða að semja við VA-arkitekta ehf og Verkís ehf um fullnaðarhönnun verksins. Kostnaður rúmast innan fjárhagsáætlunar.

Lögð voru fram drög að samningi sveitarfélaganna fjögurra í Uppsveitum Árnessýslu við Sólrúnu Erlu Gunnarsdóttur um ráðgjöf og undirbúningsvinnu vegna umsóknar um heimild fyrir dagþjónusturýmum fyrir eldri borgara í sveitarfélögunum.
Sveitarstjórn samþykkir samninginn samhljóða fyrir sitt leyti. Kostnaður rúmast innan fjárhagsáætlunar.

Jón Forni Snæbjörnsson vék af fundi.
Sveitarstjórn samþykkir samhljóða að kaupa styrktarlínu fyrir 15.000 kr. Kostnaður rúmast innan fjárhagsáætlunar.

Sveitarstjóri gerði grein fyrir lántökum sem áætlaðar eru í fjárhagsáætlun ársins til fjárfestinga af ýmsu tagi. Fyrir fundinum liggur tillaga um að bókað verði um heimild til lántöku hjá Lánasjóði sveitarfélaga vegna þessa. Lán innan heimildarinnar verði síðan tekin eftir þörfum þegar líður á árið. Gert er ráð fyrir að taka um 100.000.000 kr lán á fyrstu vikum ársins.

Sveitarstjórn Bláskógabyggðar samþykkir hér með samhljóða á sveitarstjórnarfundi að taka lán hjá Lánasjóði sveitarfélaga að höfuðstól allt að kr. 400.000.000,- á árinu 2025.

Sveitarstjórnin samþykkir að til tryggingar láninu (höfuðstól, uppgreiðslugjaldi auk vaxta, dráttarvaxta og kostnaðar), standi tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga.

Er lánið tekið til fjárfestinga skv. fjárhagsáætlun sveitarfélagsins, endurnýjunar á útisvæði sundlaugar, viðbyggingar við leikskóla, lagningar göngustíga, gatnagerðar- og fráveituframkvæmda og heitavatnsöflunar sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.

Jafnframt er Ástu Stefánsdóttur, kt.251070-3189, sveitarstjóra, veitt fullt og ótakmarkað umboð til þess f.h. sveitarfélagsins að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.

Sveitarstjórn Bláskógabyggðar leggst gegn útgáfu rekstrarleyfis á grundvelli laga nr. 85/2007 í flokki II á þeim grundvelli að leyfisveiting samræmist ekki stefnu gildandi skipulags.

Sveitarstjórn veitir jákvæða umsögn um erindið.

Lagðar voru fram upplýsingar um styrk sem Heilbrigðiseftirlitinu hefur verið veittur vegna úrbóta í fráveitumálum á Þingvallasvæðinu.
Fyrra markmið verkefnisins er að setja saman heildstætt og metnaðarfullt fræðslu- og kynningarefni ætlað almenningi. Mikilvægt er að efla vitund almennings á vatnsauðlindarinni og skilningi á ganga vel um hana og vernda. HSL mun útbúa fræðsluefni fyrir almenning um lítil hreinsivirki sem sett yrði á netið/heimasíðu HSL.
Annar hluti verkefnisins HSL snýr að því að meta og kortlegga hvort að hreinsivirki umhverfis Þingvallavatn uppfylli kröfur reglugerðar. Samhliða því yrðu búnir til skýrir og skilvirkir verkferlar, bæði til að knýja eigendur frístundahúsa um svör og til að meta hvort að hreinsivikið uppfylli þær kröfur sem til þeirra eru gerðar.
Markmið verkefnis HSL er að þróa nýtt umsóknarferli fyrir lítil hreinsivirki, samræma vinnu og umsóknarferli milli sveitarfélaga og kalla eftir upplýsingum um hreinsivirki og krefjast úrbóta hjá þeim fasteignaeigendum þar sem þörf er á. Verkefnið krefst þverfaglegs samstarfs byggingarfulltrúa, heilbrigðiseftirlit og sveitarfélaga. Byggingarfulltrúi hvers sveitarfélags sér um að samþykkja skipulags- og byggingarferlið, heilbrigðiseftirlitið sér um að samþykkja og veita ráðgjöf um hreinsivirki og sveitarfélögin sjá síðan um að tæmingu hreinisvirkja í sínu sveitarfélagi. Verkefnið felur í sér þróun á rafrænu umsóknarferli fyrir einstaklinga sem vilja setja upp fráveituhreinisilausnir fyrir hús og smáfyrirtæki. Í dag eru samræmdar verklagsreglur ekki til staðar. Leitast verður við að samræma hlutverk og stjórnsýslulega virkni mismunandi aðila.
Þessi aðferð verður prófuð á sumarhúsum umhverfis Þingvallavatn á vatnsverndarsvæði þess, áætlaður fjöldi sumarhúsa eru um 600.

Þann 22. desember sl. fékk Bláskógabyggð tilkynningu frá vinnsluaðila, Wise lausnum ehf, þar sem upplýst var að árás hafi verið gerð á fyrirtækið og árásaraðili hafi náð að komast inn í umhverfi Wise og tilgreind kerfi. Af hálfu Bláskógabyggðar var Persónuvernd tilkynnt um öryggisbrestinn.
Wise vinnur enn að rannsókn brestins með liðsinni öryggisfyrirtækis.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.