Sveitarstjórn Bláskógabyggðar

Lögð er fram tillaga nýs deiliskipulags sem tekur til frístundabyggðar í landi Úteyjar 1. Fyrir eru í gildi tvær deiliskipulagsáætlanir sem taka til svæðisins. Við gildistöku nýs skipulags er gert ráð fyrir að eldri tillögur falli úr gildi. Minnisblað skipulagsfulltrúa var lagt fram.
Sveitarstjórn Bláskógabyggðar samþykkir framlagða deiliskipulagsáætlun til kynningar og umsagna í samræmi við 40. gr. skipulagslaga nr. 123/2010. Málið verði sérstaklega sent sumarhúsfélagi svæðisins til kynningar sé það til staðar.

-liður 3, Útey 2 L167648; Frístundabyggð; Stækkun lóða og aukið byggingamagn; Deiliskipulagsbreyting - 2408033
Lögð er fram umsókn um deiliskipulagsbreytingu sem tekur til frístundasvæðis F34 í landi Úteyjar II. Í breytingunni felst stækkun nokkurra lóða á svæðinu úr 2.500 fm í 5.000 fm og að merkja vegi og stíga í samræmi við raun legu þeirra.
Sveitarstjórn Bláskógabyggðar samþykkir framlagða breytingu á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi og verði grenndarkynnt hagsmunaaðilum innan skipulagssvæðisins og aðliggjandi landeigenda.


-liður 4, Reykholt; Skólavegur, Reykholtsbrekka, Tungurimi; Verslunar- og þjónustusvæði og breytt lega vegar og afmörkun lóða; Deiliskipulagsbreyting - 2306089
Lögð er fram tillaga deiliskipulagsbreytingar er varðar þéttbýlið í Reykholti eftir auglýsingu og afgreiðslu Skipulagsstofnunar. Á Skólavegi 1 er starfrækt 40 herbergja hótel og er stefnan að stækka það í 120 herbergi á þremur hæðum. Lega götunnar Tungurima hefur verið hönnuð og var gatan færð um 15 m til norðvesturs, lóðir umhverfis götuna eru aðlagaðar að breyttri legu hennar. Þá er gamla leikskólanum á Reykholtsbrekku 4 breytt úr íbúðarlóð í verslunar- og þjónustulóð og settir skilmálar fyrir lóðina. Jafnframt er gert ráð fyrir mögulegri stækkun á leikskólanum Álfaborg til austurs. Athugasemdir bárust við gildistöku málsins frá Skipulagsstofnun, athugasemdir ásamt andsvörum eru lögð fram við afgreiðslu málsins.
Sveitarstjórn Bláskógabyggðar samþykkir framlagt deiliskipulag eftir auglýsingu og afgreiðslu Skipulagsstofnunar. Sveitarstjórn telur að brugðist hafi verið við umsögn sem barst vegna málsins með fullnægjandi hætti innan uppfærðra deiliskipulagsgagna og andsvara vinnsluaðila skipulagsins sem lögð eru fram við afgreiðslu málsins. Sveitarstjórn mælist til þess að deiliskipulagið taki gildi með birtingu auglýsingar í B-deild Stjórnartíðinda. Gögnin verði send Skipulagsstofnun til varðveislu í samræmi við 42. gr. skipulagslaga nr. 123/2010.


-liður 5, Skógarberg lóð 1 L201529; Stækkun vélageymslu; Fyrirspurn - 2408018
Lögð er fram fyrirspurn er varðar stækkun vélageymslu á lóð Skógarbergs lóð 1 L201529
Sveitarstjórn gerir ekki athugasemdir við framlagða fyrirspurn sem tekur til viðbyggingar við vélageymslu á lóð Skógabergs lóð 1 L201529. Sveitarstjórn gerir ekki athugasemdir við afgreiðslu byggingarleyfis á grundvelli framlagðrar fyrirspurnar. Þar sem engir aðrir hagsmunaaðilar eru innan svæðisins en umsækjandi er ekki talin þörf á grenndarkynningu.


-liður 6, Vörðhólsvegur 4 L175620; Stækkun lóðar og byggingarreits; Deiliskipulagsbreyting - 2408019
Lögð er fram tillaga deiliskipulagsbreytingar sem tekur til lóðar Vörðhólsvegar 4 L175620 í Bláskógabyggð. Í henni felst stækkun á lóð og byggingarreit til suðurs, önnur mörk lóðarinnar breytast ekki. Lóðin er skráð 5.242 fm í dag og verður 5.586 fm eftir breytingu.
Sveitarstjórn Bláskógabyggðar samþykkja framlagða breytingu á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi og verði grenndarkynnt aðliggjandi lóðarhöfum.


-liður 7, Efra-Apavatn 1D L226190; Frístundalóðir og skógrækt; Deiliskipulag - 2404002
Lögð er fram tillaga nýs deiliskipulags vegna lands Efra-Apavatns 1D L226190 eftir kynningu. Um er að ræða skilgreiningu frístundalóða og byggingarheimilda innan frístundasvæðis F21. Samtals er gert ráð fyrir 8 lóðum á svæðinu. Á hverri lóð er gert ráð fyrir heimildum fyrir frístundahús, gestahús/aukahús allt að 40 fm og geymsluhús að 15 m2 innan hámarksnýtingarhlutfalls 0,03. Afgreiðslu málsins var frestað á 284. fundi skipulagsnefndar þar sem ekki var gert grein fyrir flóttaleiðum með fullnægjandi hætti. Uppfærð gögn lögð fram við afgreiðslu málsins.
Sveitarstjórn telur að ekki hafi verið brugðist við athugasemdum Brunavarna Árnessýslu með fullnægjandi hætti innan framlagðra gagna. Sveitarstjórn Bláskógabyggðar samþykkir að fresta afgreiðslu málsins.

Fundargerðin var lögð fram til kynningar hvað aðra liði varðar.

-liður 1, 2405024 framkvæmdir við Aratungu 2024, framkvæmda- og veitunefnd leggur til við sveitarstjórn að gerður verði viðauki við fjáhagsáætlun að fjárhæð kr. 3.000.000 vegna viðhalds á tröppum við Aratungu. Sveitarstjórn samþykkir samhljóða að gerður verið viðauki við fjárhagsáætlun vegna verkefnisins.
-liður 2, 2401037 viðhald skólastjórabústaðar (Mosar 1), framkvæmda- og veitunefnd leggur til við sveitarstjórn að gerður verði viðauki við fjárhagsáætlun að fjárhæð kr. 8.000.000 vegna verkefnisins. Sveitarstjórn samþykkir samhljóða að gerður verið viðauki við fjárhagsáætlun vegna verkefnisins.
Fundargerðin var lögð fram til kynningar hvað aðra liði varðar.

Fundargerðin var lögð fram til kynningar.

Fundargerðirnar voru lagðar fram til kynningar.

Fundargerðin var lögð fram til kynningar.

Gunnar Gunnarsson, verkefnastjóri Heilsueflandi samfélags og Íþrótta- og tómstundafulltrúi kom inn á fundinn og kynntu hann og Guðni Sighvatsson drög að forvarnastefnu.

Helgi Kjartansson, oddviti, vék af fundi við afgreiðslu málsins. Styrkbeiðnin var lögð fram. Hún tekur til launa tveggja ungmenna á vinnuskólaaldri hjá Skálholtsstað sumarið 2024.
Sveitarstjórn sér sér ekki fært að verða við erindinu, en lýsir vilja til að ræða samstarf um vinnu fyrir ungmenni fyrir næsta sumar.

Styrkbeiðnin var lögð fram. Sveitarstjórn samþykkir að vísa erindinu til afgreiðslu í vinnu við fjárhagsáætlun næsta árs.

Lögð var fram tilkynning Vinnumálastofnunar þar sem kemur fram að áætlað sé að búsetuúrræðinu fyrir umsækjandur um alþjóðlega vernd verði lokað í byrjun september.

Sveitarstjórn skipar Ástu Stefánsdóttur, sveitarstjóra, og Davíð Sigurðsson, byggingarfulltrúa, til setu í starfshópnum. Helgi Kjartansson, oddviti verði varamaður.

Sveitarstjórn tilnefnir Ástu Stefánsdóttur, sveitarstjóra, til að fara með atkvæði Bláskógabyggðar á fundinum. Sveitarstjórn samþykkir fyrir sitt leyti samstarf við Brák hses.

Lagt var fram yfirlit yfir útsvarstekjur og framlög Jöfnunarsjóðs.

Oddviti og sveitarstjóri fóru yfir stöðu mála. Tvö fjarskiptafélög brugðust við auglýsingu sveitarfélagsins og hefur annað þeirra áhuga á að skoða verkefnið frekar.
Sveitastjórn samþykkir samhljóða að taka tilboði Fjarskiptasjóðs um styrk til verkefnisins.

Lagt var fram minnisblað sveitarstjóra eftir fund með fulltrúum Íslenska gámafélagsins ehf. Sveitarstjórn samþykkir að vísa minnisblaðinu til umfjöllunar í umhverfisnefnd.

Sveitarstjóri gerði grein fyrir verkefninu. Sveitarstjórn samþykkir samhljóða að ráðast í verkefnið og felur sveitarstjóra að leiða það ásamt ráðgjafa frá KPMG.

Sveitarstjórn gerir ekki athugasemd við að byggingar sem þegar hafa verið reistar á svæði því sem deiliskipulagið tekur til og staðsettar eru innan við 50 metra frá Þingvallavatni fái að standa og að markaður verði um þær byggingarreitur í deiliskipulagi því sem til umfjöllunar er. Í undanþágunni fælist að viðbyggingar við núverandi hús sem standa í minna en 50 metra fjarlægð frá vatni fari aldrei nær vatni en núverandi byggingar í samræmi við skilgreiningu byggingarreita á deiliskipulagi. Um er að ræða byggingar sem reistar voru áður en reglur um fjarlægðartakmarkanir frá ám og vötnum voru settar. Ekki er fallist á frekari byggingarheimildir innan 50 metra svæðisins.

Sveitarstjórn gerir ekki athugasemd við að undanþága verði veitt vegna viðbyggingar við núverandi sumarhús og skilgreiningu byggingarreits í 32 m fjarlægð frá Grafará í takt við heimildir deiliskipulags sem samþykkt var í sveitarstjórn eftir auglýsingu þann 19.6.2024.

Erindið var lagt fram til kynningar.

Minnisblaðið var lagt fram til kynningar.

Tölvupóstur frá forstjóra FSRE var lagður fram.