Sveitarstjórn Bláskógabyggðar

Umsögn framkvæmda- og veitunefndar liggur fyrir, sjá 12. lið í 52. fundargerð nefndarinnar (liður 3 á dagskrá þessa fundar). Þar kemur fram að í tillögunni sé gert ráð fyrir að byggingar á svæðinu tengist vatnsveitu Bláskógabyggðar. Framkvæmda- og veitunefnd vekur athygli á því að vatnsveita Bláskógabyggðar getur ekki útvegað kalt vatn á svæðið á næstu árum.
Sveitarstjórn Bláskógabyggðar samþykkir að beina því til höfundar deiliskipulagsins að gerð verði grein fyrir annarri leið til vatnsöflunar í deiliskipulaginu.

-liður 2, Bryggja spilda L178475; Frístundabyggð og 3MW virkjun; Aðalskipulagsbreyting - 2308056
Lögð er fram tillaga aðalskipulagsbreytingar sem tekur til lands Bryggju L178475 í Bláskógabyggð. Í breytingunni felst skilgreiningar á frístundasvæði, verslunar- og þjónustusvæði og iðnaðarsvæði fyrir virkjun. Skipulags- og matslýsing vegna breytingarinnar var kynnt 14.12.23 - 5.1.2024. Umsagnir og athugasemdir sem bárust vegna lýsingar eru lagðar fram við afgreiðslu málsins.
Sveitarstjórn Bláskógabyggðar samþykkir tillögu aðalskipulagsbreytingar til kynningar í samræmi við 30. gr. skipulagslaga nr. 123/2010. Sveitarstjórn beinir því til umsækjanda að haldinn verði íbúafundur til kynningar á tillögunni.


-liður 3, Laugarvatn jarðhiti L227723; Vinnsluhola; Framkvæmdarleyfi - 2406048
Lögð er fram umsókn um framkvæmdaleyfi frá Bláskógaveitu er varðar borun eftir heitu vatni innan þéttbýlisins að Laugarvatni.
Sveitarstjórn Bláskógabyggðar gerir ekki verði gerð athugasemd við útgáfu framkvæmdaleyfis á grundvelli 5. mgr. 13. gr. skipulagslaga nr. 123/2010. Þar sem engir aðrir hagsmunaaðilar eru innan svæðisins sem framkvæmdin tekur til en umsækjandi er ekki talin þörf á grenndarkynningu. Skipulagsfulltrúa er falin útgáfa framkvæmdarleyfisins.


-liður 4, Brautarhóll land L189999; Vinnsluhola; Framkvæmdarleyfi - 2406049
Lögð er fram umsókn um framkvæmdaleyfi frá Bláskógaveitu sem tekur til borunar á heitu vatni í jaðri þéttbýlisins í Reykholti.
Sveitarstjórn Bláskógabyggðar gerir ekki athugasemd við útgáfu framkvæmdaleyfis á grundvelli 5. mgr. 13. gr. skipulagslaga nr. 123/2010. Þar sem engir aðrir hagsmunaaðilar eru innan svæðisins sem framkvæmdin tekur til en umsækjandi er ekki talin þörf á grenndarkynningu. Skipulagsfulltrúa er falin útgáfa framkvæmdarleyfis.


-liður 5, Heiðmörk L167145; Skipting og afmörkun lóðar; Fyrirspurn - 2406054
Lögð er fram fyrirspurn frá lóðarhafa Heiðmerkur L167145 í Laugarási. Í beiðninni felst að heimild verði veitt til að skipta lóðinni upp í tvær lóðir þar sem gert verði ráð fyrir sér lóð umhverfis íbúðarhús innan landsins.
Sveitarstjórn Bláskógabyggðar gerir ekki athugasemd við að unnin verði breyting á deiliskipulagi sem tekur til skilgreiningar á lóð umnhverfis íbúðarhús á lóð Heiðmerkur í Laugarási.


-liður 6, Mjóanes L170161; Landbúnaðarland í frístundabyggð; Aðalskipulagsbreyting - 2406063
Lögð er fram fyrirspurn er varðar heimild til breytinga á aðalskipulagi Bláskógabyggðar í landi Mjóaness L170161. Í breyttri landnotkun felst breyting úr landbúnaðarlandi í frístundabyggð í samræmi við framlagða beiðni.
Samkvæmt stefnumörkun aðalskipulags Bláskógabyggðar 2015-2027 er gert ráð fyrir að nýir áfangar frístundabyggða innan hverrar jarðar verða ekki teknir til skipulagsmeðferðar fyrr en minnst 2/3 hlutar fyrri áfanga hafa verið byggðir. Innan jarðar Mjóaness eru skilgreind þrjú frístundasvæði F14, F15 og F16. Í gildi er deiliskipulag sem tekur til allra þriggja svæðanna á um 53,4 ha svæði þar sem gert er ráð fyrir 20 frístundalóðum. Byggt hefur verið á 6 lóðum innan deiliskipulagsins eða á 30% af skipulögðum lóðum. Að mati sveitarstjórnar er því framlögð beiðni ekki í samræmi við stefnumörkun aðalskipulags Bláskógabyggðar. Sveitarstjórn Bláskógabyggðar synjar því beiðni um breytingu á aðalskipulagi.

Fundargerðin er lögð fram til kynningar hvað aðra liði varðar.

-liður 4, 2405033, rýmisþörf leikskólans Álfaborgar, framkvæmda- og veitunefnd leggur til við sveitarstjórn að leitað verði til hönnuðar hússins varðandi skoðun á mögulegum leiðum til lausnar. Sveitarstjórn samþykkir tillöguna samhljóða. Gerður verði viðauki við fjárhagsáætlun, kr. 1.000.000 vegna verkefnisins.
-liður 5, 2204023, rýmisþörf leik- og grunnskóla Bláskógabyggðar (Reykholtsskóli og Bláskógaskóli), framkvæmda- og veitunefnd leggur til við sveitarstjórn að leitað verði til VA-arkitekta um mat á möguleikum til að nýta betur núverandi skólahúsnæði og skoða leiðir til úrlausna með breytingum eða viðbyggingum. Sveitarstjórn samþykkir tillöguna samhljóða. Gerður verði viðauki við fjáhagsáætlun kr. 1.000.000 vegna verkefnisins.
-liður 13, 2406025, tankur fyrir hitaveitu Reykholti, framkvæmda- og veitunefnd leggur til við sveitarstjórn að verkefnið verði tekið til skoðunar við fjárhagsáætlunarvinnu næsta árs. Sveitarstjórn samþykkir tillöguna samhljóða.
-liður 14, 2406026, vatnsþrýstingur á svæði við Drumboddsstaði, á fundi framkvæmda- og veitunefndar var rætt um afhendingaröryggi vatns á svæðinu. Frá því að fundurinn var haldinn hefur veitustjóri mælt og kannað vatnsþrýsing, leitað hefur verið að lekum í kerfinu og þrýstingi á kerfinu breytt á þeim dögum sem álag er mest. Áfram er unnið að því að leysa málið.
Fundargerðin var að öðru leyti lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Fundargerðirnar voru lagðar fram til kynningar.

Helgi Kjartansson, oddviti, fór yfir ferli málsins eins og það horfir við sveitarfélaginu og ýmsar staðreyndir um íbúafjölda, vegalengdir og aðra þætti sem skipta máli við staðsetningu á heilsugæslu.
Díana, Baldvina og Óskar svöruðu fyrirspurnum og gerðu grein fyrir sjónarmiðum HSU og FSRE.
Sveitarstjórn Bláskógabyggðar telur verulega ágalla hafa verið á ferlinu öllu. Sveitarstjórn telur að eina leiðin til að byggja upp traust milli aðila og traust íbúa á Heilbrigðisstofnun Suðurlands sé að utanaðkomandi aðili verði fenginn til að gera úttekt á ferlinu og því hvort faglega hafi verið staðið að málum. Sveitarstjórn beinir því til HSU og viðkomandi ráðuneyta að ráðist verði í slíka úttekt.

Sveitarstjórn samþykkir samhljóða samþykkt um kattahald og felur sveitarstjóra að láta birta hana.

Sveitarstjórn samþykkir samhljóða gjaldskrá um kattahald og felur sveitarstjóra að láta birta hana.

Sveitarstjórn Bláskógabyggðar samþykkir samhljóða að gjaldskrá fyrir móttöku og hreinsun seyru gildi fyrir Bláskógabyggð. Sveitarstjóra er falið að láta birta gjaldskrána.

Tillagan var lögð fram. Vegna átaks til að fjölga fagmenntuðum leikskólakennurum við leikskóla Bláskógabyggðar hefur verið bætt við eldri reglur lið sem snýr að heimild til að greiða svokaallaðar TV-einingar (tímabundin viðbótarlaun) skv. kjarasamningum, auk ívilnana vegna aksturs.
Sveitarstjórn samþykkir reglurnar samhljóða.

Lögð var fram fundargerð frá opnun tilboða. Fjögur tilboð bárust.
Sveitarstjórn samþykkir samhljóða að taka tilboði lægstbjóðanda, Nýbyggðar ehf, með fyrirvara um að ekki séu reikningsskekkjur í tilboðinu, svo og að bjóðandi uppfylli hæfiskröfur útboðsgagna. Sveitarstjóra er falið að leggja tillögu að viðauka við fjáhagsáætlun fyrir þegar áætlun um kostnað við jarðvinnu liggur fyrir.

Stefanía Hákonardóttir vék af fundi við afgreiðslu málsins.
Lagðar voru fram fundargerðir, dags. 02.07.2024, frá opnun tilboða í snjómokstur í austur- og vesturhluta dreifbýlis. Tvö tilboð bárust í austurhluta og fjögur í vesturhluta.
Sveitarstjórn samþykkir samhljóða að taka tilboði lægstbjóðanda, Sveitadurgs ehf, í snjómokstur í vesturhluta, með fyrirvara um að bjóðandi uppfylli kröfur um hæfi skv. útboðsgögnum.
Sveitarstjórn samþykkir samhljóða að taka tilboði lægstbjóðanda, Ketilbjörns ehf, í snjómokstur í austurhluta, með fyrirvara um að bjóðandi uppfylli kröfur um hæfi skv. útboðsgögnum.

Öll fylgigögn hafa borist og uppfyllir bjóðandi kröfur útboðs um hæfi. Sveitarstjórn samþykkir samhljóða að taka tilboði Ragnars Sverrissonar í skólaakstur á Laugarásleið.

Lögð var fram styrkbeiðni vegna gerðar göngubrúar á gönguleið að gömlu Tungnaréttum. Unnið hefur verið að því í samráði við verkefnastjóra Heilsueflandi samfélags í Bláskógabyggð að gera svæðið aðgengilegt. Óskað er eftir styrk að fjárhæð kr. 337.200. Framkvæmdum við verkið er lokið.
Sveitarstjórn samþykkir samhljóða að veita 150.000 kr. styrk til verkefnisins. Kostnaður rúmast innan fjárhagsáætlunar.

Jón F. Snæbjörnsson fylgdi erindinu úr hlaði.
Unnið er að hreinsun á svæðinu. Farið verður í samráð við íbúa áður en ákvörðun verður tekin um framtíðarskipulag svæðisins.
Jón óskaði eftir að bókað yrði að ljúka þurfi hreinsun sem fyrst.

Jón F. Snæbjörnsson fylgdi erindinu úr hlaði.
Sveitarstjórn samþykkir að rætt verði við Póstinn um breytingu á því að 806 verði kennt við Bláskógabyggð frekar en Selfoss.

Minnispunktar frá fundum með fulltrúa Norse Adventure og Ferðafélagi Íslands voru lagðir fram. Sveitarstjórn ítrekar að ekki sé vilji til að heimila utanvegaakstur eða gera ráð fyrir vegslóða í skipulagi.

Á fundi oddvita og sveitarstjóra með fulltrúa Stakrar gulrótar ehf í sl viku kom fram að félagið skili inn lóðum nr. 6 og 8 við Borgarrima. Sveitarstjórn samþykkir samhljóða að lóðunum verði skilað og felur sveitarstjóra að auglýsa þær lausar til úthlutunar.
Sveitarstjórn leggur áherslu á að framkvæmdir á lóðum nr. 1 og 3 við Borgarrima hefjist á þessu ári.

Jón F. Snæbjörnsson vék af fundi við afgreiðslu málsins. Sveitarstjórn Bláskógabyggðar vísar til þess að uppdrátt deiliskipulags og ákvæði greinargerðar deiliskipulags verði að skoða samhliða og að skýra verði uppdrátt með hliðsjón af ákvæðum greinargerðar. Þar kemur fram að byggingarheimild sé háð undanþágu frá skipulagsreglugerð.

Yfirlitið var lagt fram.

Styrkbeiðnin var lögð fram. Magnús Rúnar Traustason mun keppa fyrir hönd Íslands á FEIF Youth Cup sem er alþjóðlegt mót með íslenskum hestum.
Sveitarstjórn samþykkir 30.000 kr styrk. Kostnaður rúmast innan fjárhagsáætlunar.

Sveitarstjórn samþykkir að taka málið fyrir á næsta fundi.

Sveitarstjórn Bláskógabyggðar gerir ekki athugasemd við skipulagstillöguna.

Lagt fram til kynningar.

Lagt fram til kynningar.
Jón F. Snæbjörnsson lýsir yfir ánægju sinni með minnisblaðið.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.