Framkvæmda- og veitunefnd

   34. fundur framkvæmda- og veitunefndar haldinn í Aratungu, Reykholti, þriðjudaginn 28. febrúar 2023, kl. 13:30.     Fundinn sátu: Stefanía Hákonardóttir, Helgi Kjartansson, Jón Forni Snæbjörnsson, Ásta Stefánsdóttir, Benedikt Skúlason og Kristófer Arnfjörð Tómasson.     Fundargerð ritaði: Ásta Stefánsdóttir, sveitarstjóri.    

1.	Viðhald íþróttamiðstöðvar (ungmennabúðir) Laugarvatni - 2004019
	Sviðsstjóri fer yfir stöðu mála hvað varðar viðhald á Hverabraut 16, Laugarvatni (Ungmennabúðum UMFÍ) í ljósi úttektar á húsnæðinu.
	Starfsemi ungmennabúða UMFÍ hefur verið stöðvuð vegna raka í húsnæðinu og myglu sem greindist á nokkrum stöðum. Nauðsynlegt er að ráðast í talsverðar endurbætur til að koma í veg fyrir frekari myglu og raka og uppræta þann raka/myglu sem þegar mælist. Ljúka þarf við að drena húsið, ráðast þarf í múrviðgerðir, lagfæra þarf frágang í kringum þá glugga sem endurnýjaðir höfðu verið þegar sveitarfélagið tók við húsinu og skipta um þá glugga sem ekki höfðu verið endurnýjaðir, þ.e. á matsal. Einnig þarf að skipta um kjallarahurðir. Frárennslislagnir og drenlagnir voru myndaðar í byrjun vikunnar. Sviðsstjóri gerði grein fyrir áætluðum kostnaði við framkvæmdina. Í fjárhagsáætlun ársins var gert ráð fyrir framkvæmdum við húsið fyrir 10 mkr. Framkvæmda- og veitunefnd vísar málinu til sveitarstjórnar til ákvarðanatöku.
2.	Lyfta í Reykholtsskóla - 2110025
	Uppsetning lyftu í Reykholtsskóla skv. fjárhagsáætlun ársins 2023
	Til stendur að setja upp lyftu í Bláskógaskóla Reykholti. Lyftustokkur er fyrir hendi. Sviðsstjóra er falið að fá eldri tilboð í verkið uppfærð. Stefnt er að því að vinna verkið í sumar.
3.	Endurnýjun gervigrasvalla - 2209017
	Endurnýjun gervigrasvallar á Laugarvatni skv. fjárhagsáætlun ársins 2023.
	Gervigrasvöllur á Laugarvatni verður endurnýjaður í sumar. Fyrir liggur tilboð frá Altis um að útvega gervigras á sama verði og í fyrra þegar skipta var um gervigras í Reykholti. Framkvæmda- og veitunefnd leggur til við sveitarstjórn að gengið verði til samninga við Altis á grundvelli eldra tilboðs. Verkið verður unnið í sumar.
4.	Styrkúthlutanir vegna lagningar ljósleiðara í Bláskógabyggð - 2004021
	Yfirlit yfir greidda styrki vegna ljósleiðaralagningar í Bláskógabyggð
	Lagt var fram yfirlit yfir greidda styrki skv. samningum við Fjarskiptasjóð frá árunum 2018, 2019, 2020 og 2021. Samtals 139.095.921 kr. Einnig yfirlit yfir Byggðastyrki frá Byggðastofnun frá árunum 2018, 2009 og 2020, alls kr. 19.600.000. Allir styrkir hafa nú verið greiddir til verkefnisins.
5.	Endurnýjun fráveitu Laugarvatni 1. áfangi - 2106039
	Fundargerð verkfundar 16.02.2023
	Fundargerðin var lögð fram til kynningar.
6.	Endurnýjun vatnsveitu á Laugarvatni, 2. áfangi - 2301044
	Endurnýjun vatnsveitu samhliða fráveitulögn á Laugarvatni.
	Samhliða endurnýjun fráveitu verður kaldavatnslögn endurnýjuð frá Lindarbraut 5, að grunnskólanum. Lagður var fram uppdráttur Eflu sem sýnir framkvæmdasvæðið.
7.	Endurnýjun fráveitu á Laugarvatni, 2. áfangi - 2301044
	2. áfangi fráveituframkvæmda á Laugarvatni. Verksamningur.
	Lögð voru fram drög að samningi við Fögrusteina ehf um framkvæmdir við 2. áfanga endurnýjunar fráveitulagna á Laugarvatni. Framkvæmda- og veitunefnd leggur til við sveitarstjórn að samningurinn verði samþykktur. Verklok eru áætluð 15. ágúst n.k.
8.	Tungurimi og Borgarrimi, fráveita og gatnagerð, 1. áfangi - 2106013
	Fundargerð 5. verkfundar
	Fundargerðin var lögð fram til kynningar.
9.	Tungurimi, Borgarrimi 2 og 3 áfangi - 2208024
	2. áfangi gatagerðar, Borgarrimi 10-17. Verksamningur.
	Lögð voru fram drög að verksamningi við Fögrusteina ehf um 2. áfanga verksins, gatnagerð og veitulagnir við Borgarrima 10 til 17. Framkvæmda- og veitunefnd leggur til við sveitarstjórn að samningurinn verði samþykktur. Verklok eru 1. ágúst n.k.
10.	Borholudæla RH-04 - 2302019
	Tilboð í nýja dælu í borholu í Reykholti, RH-04.
	Lagt var fram tilboð í nýja dælu í borholu RH-04. Veitustjóri gerði grein fyrir þörf fyrir endurnýjun dælunnar. Framkvæmda- og veitunefnd leggur til við sveitarstjórn að keypt verði dæla.
11.	Útboð vegna byggingar húss fyrir UTU við Hverabraut - 2209023
	Verksamningur vegna byggingar skrifstofuhúsnæðis fyrir UTU.
	Drög að verksamningi við Selásbyggingar ehf voru lögð fram. Framkvæmda- og veitunefnd leggur til við sveitarstjórn að samningurinn verði samþykktur. Verklok eru 1. mars 2024.
12.	Starfsmannahald Bláskógaveitu - 2302020
	Farið verður yfir stöðu mála.
	Veitustjóri og sviðsstjóri gerðu grein fyrir breytingum á starfsmannahaldi. Sigurður Stefánsson hóf störf um áramót og er hann boðinn velkominn til starfa. Gunnar Erling Guðmundsson lætur af störfum 28. febrúar og eru honum þökkuð góð störf fyrir Bláskógaveitu.
13.	Athugasemd við gjaldtöku v/heimlögn vatnsveitu Eyjavegur 3 - 2211026
	Beiðni Karl Bjarnasonar um að felld verði niður tengigjöld vatnsveitu að Eyjavegi 3, Bláskógabyggð.
	Framkvæmda- og veitunefnd samþykkir að tengigjaldið verði fellt niður með vísan til fyrri framkvæmdar.
14.	Íþróttahúsið á Laugarvatni, gólf - 2110018
	Gólf íþróttahússins á Laugarvatni, minnispunktar sviðsstjóra.
	Farið var yfir málið. Haldið verður eftir greiðslum vegna galla á lökkun gólfsins.

    Fundi slitið kl. 15:00.          

Stefanía Hákonardóttir		Helgi Kjartansson
Jón Forni Snæbjörnsson		Ásta Stefánsdóttir
Benedikt Skúlason		Kristófer Arnfjörð Tómasson