Framkvæmda- og veitunefnd

  23. fundur framkvæmda- og veitunefndar haldinn í Aratungu, Reykholti, og í fjarfundi, föstudaginn 14. janúar 2022, kl. 08:00.     Fundinn sátu: Valgerður Sævarsdóttir, Helgi Kjartansson, Axel Sæland, Ásta Stefánsdóttir, Benedikt Skúlason og Kristófer Arnfjörð Tómasson.     Fundargerð ritaði: Ásta Stefánsdóttir, sveitarstjóri.    

1.	Umsókn um heimlögn, vatnsveitutenging - 2112003
	Umsókn Guðna Lýðssonar, dags. 19. nóvember 2021, um vatnsveitutengingu vegna Arnarholts lóð, L221130, fnr. 2346358.
	Þar sem ekki er skráð mannvirki á lóðinni er umsókn um tengingu vatnsveitu hafnað.
2.	Umsókn um heimlögn, hitaveitutenging - 2112004
	Umsókn Reynis Pálmasonar, dags. 12. október 2021, um tengingu á heitu vatni vegna Fótarholts 5 (Hjálmsstaðir 2, lóð 3).
	Framkvæmda- og veitunefnd felur sviðsstjóra og veitustjóra að ræða við umsækjanda og kynna honum áætlaðan kostnað við tengingu.
3.	Beiðni um vilyrði fyrir heitu og köldu vatni - 2201034
	Beiðni Yls Nature Bath ehf, dags. 26. nóvember 2021, um vilyrði fyrir afhendingu á 10 sekúndulítrum af heitu vatni og köldu vatni fyrir náttúru- og heilsuböð.
	Afgreiðslu erindisins er frestað þar til fundað hefur verið með umsækjendum um umsókn þeirra um lóð.
4.	Verðkönnun fráveita Laugarvatni 1. áfangi - 2106039
	Niðurstaða verðkönnunar vegna útboðs á verkinu Fráveita Laugarvatni, 1. áfangi.
	Niðurstaða útboðsins er sú að samið verði við Fögrusteina um verkið. Lagt er til við sveitarstjórn að gengið verði frá samningi.
5.	Leikskólalóð Laugarvatni, viðhald - 2006014
	Undirbúningur framkvæmda við lóð leikskólans á Laugarvatni.
	Sviðsstjóri framkvæmda- og veitusviðs fór yfir stöðu málsins, stefnt er að útboði í lok janúar. Kostnaðaráætlun liggur fyrir og unnið er að gerð útboðsgagna.
6.	Hönnun nýrrar götu í Reykholti Tungurimi Borgarrimi - 2101059
	Staða hönnunar og undirbúnings framkvæmda við Tungurima og Borgarrima.
	Sviðsstjóri framkvæmda- og veitusviðs fór yfir stöðu málsins. Unnið er að lokahönnun og gerð útboðsgagna.
7.	Gatnagerð Traustatún og Kotstún - 2105023
	Staða hönnunar og undirbúnings framkvæmda við gatnagerð á Laugarvatni.
	Sviðsstjóri fór yfir stöðu verksins. Unnið er að hönnun. Áætlað er að unnt verði að bjóða verkið út í mars.
8.	Hönnun húsnæðis fyrir UTU - 2106036
	Staða hönnunar og undirbúnings framkvæmda við gatnagerð og nýtt húsnæði UTU við Hverabraut á Laugarvatni.
	Hönnun húsnæðisins er við það að ljúka.
9.	Gjaldskrá fyrir körfubíl - 2201035
	Tillaga um gjald vegna útseldra tíma á körfubíl.
	Setja þarf gjaldskrá vegna útselds tíma á körfubíl. Sviðsstjóra er falið að vinna að málinu.
10.	Brekkuholt 2. áfangi verðkönnun - 2104011
	Fundargerð verkfundar vegna Brekkuholts, 4. fundur haldinn 18. nóvember 2021
	Fundargerðin var lögð fram til kynningar.
11.	Gatnahönnun Hverabraut (UTU) - 2201036
	Kostnaðaráætlun vegna gatnagerðar við Hverabraut vegna byggingar húsnæðis fyrir UTU.
	Verkframkvæmdir verða boðnar út í næstu viku og eru verklok áætluð um miðjan maí 2022.
12.	Hitaveita í Reykholti og á Laugarvatni - 2101058
	Nýting heitavatnsforðans í Reykholti og staðsetning á nýrri heitavatnsholu, tillaga ÍSOR um verkþætti.
	Framkvæmda- og veitunefnd leggur til við sveitarstjórn að tekið verði tilboði ÍSOR í fyrirliggjandi verkefni.
13.	Kaldavatnsveita í Vörðuhlíð - 1909034
	Staða verkefnis varðandi lagningu kaldavatnsveitu í Vörðuhlíð.
	Sviðsstjóri framkvæmda- og veitusviðs fór yfir stöðu mála. Vatni hefur verið hleypt á nýja veitu í Vörðuhlíð. Verið er að stilla dælubúnað og setja þarf upp rennslismæli. Verkþáttur varðandi lagningu að Eiríksbakka var felldur út úr verkinu.
14.	Eftirlitsskýrslur HES 2021 - 2110002
	Skýrsla Heilbrigðiseftirlits Suðurlands, dags. 29. desember 2021, vegna Reykholtsskóla.
	Sviðsstjóra er falið að vinna áfram að úrbótum til að mæta athugasemdum.

    Fundi slitið kl. 9:00.          

Valgerður Sævarsdóttir		Helgi Kjartansson
Axel Sæland		Ásta Stefánsdóttir
Benedikt Skúlason		Kristófer Arnfjörð Tómasson