Framkvæmda- og veitunefnd

47. fundur stjórnar Bláskógaveitu 16. febrúar 2012 kl. 15.00. Mættir: Jóhannes Sveinbjörnsson, Kjartan Lárusson og Þórarinn Þorfinnsson stjórnarmenn Bláskógaveitu, Valtýr Valtýsson sveitarstjóri, Benedikt Skúlason veitustjóri og Andrés Bjarnason starfsmaður Bláskógaveitu. 1.  Undirbúningsvinna vegna dæluhúss í Reykholti: Benedikt lagði fram grunnteikningar að dæluhúsi sem Sigurður Jakobson hefur unnið. Samþykkt að fá Sigurð til að teikna byggingarnefndarteikningar og leita tilboða frá Sigurði í allar teikningar vegna framkvæmdarinnar.  Verið er að kanna hvernig ferlið þarf að vera vegna skipulagsmála í tengslum við þessa framkvæmd og eru menn sammála um að stefna að því að hefja framkvæmdir eins og fljótt og hægt er. Gert er ráð fyrir að framkvæmdum ljúki á árinu 2013. Verkinu verður skipt í tímasetta áfanga þegar kostnaðaráætlun liggur fyrir. 2.  Önnur verkefni sem unnið hefur verið að frá síðasta fundi: Könnuð framkvæmda- /viðhalds- þörf vegna dæluhúss á Laugarvatni, sem er í bágu ástandi. Fengið verðtilboð vegna þrýstiminnkara í Laugarási. Hægt verður að greiða reikninga frá Bláskógaveitu með kreditkortum innan tíðar. 3.  Breytingar á gjaldtöku af sundlaug og íþróttahúsi og leikskóla í Reykholti: Samþykkt var að gjaldtakan héreftir verði eftir mæli í stað hemils. 4.  Gjaldtaka vegna hitaveitu af eldri borgurum í íbúðum á vegum sveitarfélagsins: Samþykkt að taka upp það fyrirkomulag að Bláskógaveita rukki sveitarfélagið um eina heildarupphæð sem sveitarfélagið deilir svo niður á íbúana. 5.  Samningar við ríkið vegna veitumála á Laugarvatni: Í gildi er samningur frá árinu 2000 um rekstur hita- og kaldavatnsveitu í þágu byggðar, skóla- og íþróttamannvirkja á Laugarvatni. Ekki er til neitt útfært samkomulag um þátttöku ráðuneytisins í kostnaði við veiturnar. Veitustjórn samþykkir að óska eftir viðræðum við menntamálaráðuneytið um endurskoðun gildandi samnings. 6.  Vatnsréttur ? gjaldskrá: Umræða varð um greiðslur til vatnsréttarhafa í Reykholti. Breytingar á gjaldi Bláskógaveitu til vatnsréttarhafa  eiga að vera þær sömu og á gjaldskrá veitunnar hverju sinni.  Gera skal upp við þá vatnsréttarhafa sem eiga inneign um áramót hverju sinni. 7.  Tölvumál veitunnar: Samþykkt að kaupa auka skjá á skrifstofu veitunnar og endurnýja tölvu veitustjóra. Jafnframt var samþykkt að Andrési standi til boða sömu kjör og starfsmönnum skrifstofu sveitarfélagsins varðandi tölvukaup. 8.  Bílamál veitunnar: Veitustjórn samþykkir að huga að kaupum á bíl fyrir veituna, fyrir að hámarki 2 millj. króna, en sá gamli þarfnast viðhalds og vart hægt að treysta á hann mikið lengur sem eina bíl veitunnar. Endanleg ákvörðun um bílakaup verði tekin á næsta fundi veitustjórnar 9.  Heimasíða: Samþykkt að setja sérstakan flipa fyrir veituna á síðu sveitarfélagsins. Þar verði grunnupplýsingar um starfsemi veitunnar aðgengilegar. 10. Merki (logo) Bláskógaveitu: Ákveðið að taka upp merki fyrir Bláskógaveitu sem var rætt á 46. fundi veitustjórnar. Merkið verði notað á vinnuföt, bifreiðar, byggingar, pappíra veitunnar og annað sem við á hverju sinni. 11. Önnur mál: Ákveðið að framvegis verði fastur fundartími veitustjórnar þriðja fimmtudag í hverjum mánuði. Ef ekki er talin þörf á fundum einhverja mánuði ársins verði fundur afboðaður.  Fundi slitið kl. 18.20