F R Æ Ð S L U N E F N D B L Á S K Ó G A B Y G G Ð A R
- fundur Fræðslunefndar Bláskógabyggðar
Mánudaginn 2. júní 2008
í Fjallasal, Aratungu
Leikskólahluti (15:00- 16:00)
Mætt voru Sigrún Lilja Einarsdóttir, formaður, Drífa Kristjánsdóttir sem varamaður Sigurbjörns Árna Arngrímssonar, ritara, Sólveig Aðalsteinsdóttir, leikskólastjóri á Gullkistunni, Svanhildur Eiríksdóttir, leikskólastjóri á Álfaborg, og Guðrún Sigurrós Poulsen, fulltrúi starfsfólks.
Drífa Kristjánsdóttir ritaði fundargerð. Sigrún Lilja, formaður, setti fund og minnti fundarmenn á þagnarskyldu fulltrúa í fræðslunefnd.
Júlíana Tyrfingsdóttir verðandi leikskólastjóri í Álfaborg mætti á fundinn og er boðin velkomin til starfa.
Sigrún tilkynnir að hún sé að flytja úr sveitarfélaginu og muni því hætta formennsku í fræðslunefnd eftir fund sveitarstjórnar á morgun.
Dagskrá fundarins:
- Leikskólareglur í Bláskógabyggð: Lagðar fram endurskoðaðar reglur um leikskóla í Bláskógabyggð og samþykktar samhljóða.
- Tilnefning í fagráð tónlistarskóla: Bréf frá Félagi tónlistarskólakennara lagt fram til kynningar
- Svanhildur kynnir að það sé mjög gott að fá nýjan leikskólastjóra til starfa í mánuð áður en hún lýkur störfum. Allir þakka samstarfið í vetur, SVÓT greiningarvinnan hafi verið mjög skemmtileg og lærdómsrík. Svanhildi þakkað mjög gott starf undanfarin 15 ár í leikskóla Álfaborgar.
Fleira ekki gert, fundi leikskólahluta slitið kl. 16:00. 