Verið velkomin í Skálholt á aðventunni

Sumartónleikarnir í Skálholtsdómkirkju bjóða til aðventutónleika í kirkjunni 6. desember kl. 17.00. Hátíðarsveit undir stjórn Jaaps Schröders leikur tónlist gömlu meistaranna frá 18. öld, m.a. Bach og Haydn. Einsöngvari er Marta Halldórsdóttir sópran. Aðgangur kr. 3.500.- eða 4.500.- með hátíðarfordrykk. Að loknum tónleikum verður boðið upp á þjóðlegan jólamat að fornu og nýju í Skálholtsskóla að hætti Bjarna Birgissonar bryta. Heildarverið kr. 9.000.- Boðið verður upp á aukakyrrðardaga helgina 12.-14. desember þar sem áhersla verður lögð á aðventu- og jólatónlist, kyrrð og íhugun. Leiðsögn er í höndum rektorshjónanna. Dagskráin hefst kl. 18.00 á föstudegi. Nánari upplýsingar á vefnum www.skalholt.is Skálholtsskóli býður eldri borgurum úr Tungunum til aðventusamveru fimmtudaginn 18. desember kl. 15.00. Jólatónlist, heitt súkkulaði og jólakökur. Ræðumaður: Sr. Úlfar Guðmundsson fráfarandi prófastur. Verið öll hjartanlega velkomin.