Útboð snjómoksturs og hálkueyðingar Bláskógabyggð
Fréttir
26.08.2022
Bláskógabyggð óskar eftir tilboðum í snjómokstur og hálkueyðingu innan þéttbýlis í Laugarási, á Laugarvatni og í Reykholti. Upphaf verktíma er í október 2022.
Verkefnið felst í snjómokstri og hálkueyðingu á götum, gangstéttum og bílapönum. Útboðsgögn verða afhent á stafrænu formi frá og með 29. ágúst 2022. Þeir sem óska eftir að fá gögnin afhent sendi tölvupóst á kristofer@blaskogabyggd.is eða hafi samband í síma 480 3000.
Tilboðum skal skilað til Bláskógabyggðar, Aratungu, Reykholti, fyrir kl. 11 mánudaginn 12. september 2022, þar sem þau verða opnuð að viðstöddum þeim sem þess óska.