Útboð á slætti og hirðingu í Laugarási og Reykholti

ÚTBOÐ Sláttur og hirðing í Laugarási og Reykholti Bláskógabyggð óskar eftir tilboðum í verkið ?Sláttur og hirðing í Laugarási og Reykholti?. Samningstímabil þessa útboðs er frá 15. maí 2011 til 15. september 2013. Heildarstærð verkstaða samkvæmt útboðsgögnum er  70.892 m². Útboðsgögn verða afhent á skrifstofu Bláskógabyggðar í Aratungu, Reykholti, frá og með þriðjudeginum 22. mars gegn 5000 kr. skilagjaldi. Kynningarfundur á útboðsgögnum og verkþáttum verður í Félagsheimilinu Aratungu kl. 14:00 miðvikudaginn 30. mars. Í framhaldi af fundinum verður vettvangsskoðun á verkstöðum í Reykholti og Laugarási. Tilboðum skal skila á skrifstofu Bláskógabyggðar, Aratungu, Reykholti, 801 Selfossi, fyrir kl. 14:15 fimmtudaginn 14. apríl 2011, en þá verða þau opnuð að viðstöddum þeim bjóðendum sem þess óska. Nánari upplýsingar veitir Halldór K. Hermannsson sviðsstjóri Þjónustu- og framkvæmdasviðs Bláskógabyggðar í síma 486-8726. Bláskógabyggð