Laugardaginn 5. september kl. 13-16 mun Heilsueflandi Uppsveitir standa fyrir sveppatínslunámskeiði. Mæting við grillskýlið við hliðina á fyrsta bílastæðinu þegar keyrt er inn í Haukadalsskóginn. Rétt við bílastæðið og grillskýlið eru salerni. Námskeiðsgjald: 1.000 kr., greiðist inná reikning Bláskógabyggðar: 0151-26-72 kennitala 510602-4120, merkt: Heilsueflandi.
Ása Margrét Ásgrímsdóttir, hjúkrunarfræðingur, og höfundur fyrstu sveppatýnslubókarinnar á Íslandi verður með fræðslu og leiðbeinir fólki við að þekkja og týna sveppi til matargerðar.
Ása Margrét Ásgrímsdóttir er enginn venjulegur sveppaáhugamaður því að hún er búin að tína sveppi í tvo eða þrjá áratugi og hefur gefið út bókina Matsveppir í náttúru Íslands. Hún segir að sveppatínslan sé í reynd frábært fjölskyldusport og að upplagt sé að sameina svepptínslu, útivist og ferðalög.
Mælt er með að fólk mæti með hníf/sveppahníf og körfu eða opinn kassa. Kassinn má vera úr plasti eða pappa og jafnvel með hreinum pappír í botni. Ekki er ráðlagt að nota dagablaðapappír. Aðalatriðið er að ekki nota plastpoka vegna þess að það loftar illa um sveppina. Annars er gott að hafa skófatnað og föt við hæfi, allt eftir veðráttu, þar sem við göngum meðal annars utan göngustíga.
