Sveitarfélagið Bláskógabyggð auglýsir starf sveitarstjóra laust til umsóknar

Bláskógabyggð er framsækið sveitarfélag í örum vexti þar sem nú búa rúmlega 1100 íbúar. Sveitarfélagið varð til árið 2002 við sameiningu þriggja hreppa, Biskupstungnahrepps, Laugardalshrepps og Þingvallahrepps.  Þrír þéttbýliskjarnar eru í sveitarfélaginu, Laugarás, Laugarvatn og Reykholt. Starfssvið:

• Daglegur rekstur sveitarfélagsins og ábyrgð á framkvæmd ákvarðana sveitarstjórnar
• Yfirumsjón með skipulagi og virkni stjórnsýslu sveitarfélagsins og starfsmannamálum
• Náið samstarf við sveitarstjórn, undirbúningur og upplýsingagjöf á fundum sveitarstjórnar
• Annast upplýsingamiðlun og samskipti við samstarfsaðila, stofnanir, samtök, fyrirtæki og íbúa
• Að gæta hagsmuna Bláskógabyggðar út á við, vera talsmaður sveitarstjórnar og vinna að framfaramálum
• Stefnumarkandi vinna og mótun framtíðarsýnar í ólíkum málaflokkum

Menntunar- og hæfniskröfur:

• Hæfni í mannlegum samskiptum
• Reynsla af stjórnun, rekstri og fjármálum
• Þekking á sveitastjórnarmálum og opinberri stjórnsýslu
• Leiðtogahæfni, frumkvæði og hugmyndaauðgi
• Hæfni til að tjá sig í ræðu og riti
• Áhugi á uppbyggingu samfélagsins, kynningarmálum, ímynd og stefnumótun
• Reynsla af mannauðsmálum
• Reynsla og/eða þekking af markaðsmálum
• Háskólamenntun sem nýtist í starfi

Umsókn um starfið þarf að fylgja ítarleg starfsferlisskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Umsóknarfrestur er til og með 27. júní 2018. Umsóknir óskast fylltar út á www.hagvangur.is. Æskilegt er að viðkomandi geti hafið störf sem fyrst. Upplýsingar veitir Þórir Þorvarðarson thorir@hagvangur.is   Smellið hér fyrir neðan til að nálgast auglýsingu NM88629 Bláskógabyggð 255x150