Rómans til Rokks

Föstudagskvöldið 19. nóvember munu Bjarnabófarnir flytja dægurlög frá árunum 1940-1970. Tímabilið einkenndist af rómantík eftirstríðsáranna og rokkið var rétt að byrja. Hvaðan koma þessi lög, hverjir fluttu þau og afhverju hafa þau fylgt okkur svo lengi sem raun ber vitni? Á dagskránni eru lög eins og Rökkurró, Fjórir kátir þrestir, Lóa litla á Brú og svo mætti lengi telja. Bjarnabófarnir er 9 manna fjölskylduband með ströngum inntökuskilyrðum en þau eru að vera skilgetið barn, barnabarn eða tengdabarn Bjarna Helgasonar frá Borgarholti í Stokkseyrahreppi , finnast ekkert skemmtilegra en koma saman til að spila og syngja og að taka sig ekki of hátíðlega! Verkefnið er styrkt af Menningaráði Suðurlands. Tónleikarnir verða haldnir í Rauða húsinu á Eyrarbakka, föstudagskvöldið 19. nóvember, kl. 21:30. Aðgangur er ókeypis.