Nýir starfsmenn hjá Skóla- og Velferðarþjónustu Árnesþings

Þann 2. janúar 2014 tók til starfa Skóla og velferðarþjónusta Árnesþings.  Sveitarfélögin, Bláskóagabyggð, Flóahreppur, Grímsnes- og Grafningshreppur, Hrunamannahreppur, Hveragerði, Skeiða- og Gnúpverjahreppur og Sveitarfélagið Ölfus hafa undanfarin tvö ár verið í samtarfi um rekstur velferðarþjónustu og hafa nú aukið það samstarf með því að reka sameiginlega sérfræðiþjónustu fyrir skóla. Hinni nýju skóla- og velferðarþjónustu er ætlað að vinna á grundvelli heildarsýnar í málefnum einstaklinga og fjölskyldna og að stuðla að sjálfbærni skóla og stofnana aðildarsveitarfélaga þar sem áhersla er lögð á mikilvægi snemmtækrar íhlutunar, fræðslu, forvarnir og þverfaglegt samstarf. Ráðnir hafa verið þrír starfsmenn sem sinna málefnum skólaþjónustunnar.  Þeir eru: Hrafnhildur Karlsdóttir, kennsluráðgjafi og teymisstjóri.  Hún er með aðsetur í stjórnsýsluhúsinu á Borg.  Símanúmer er 486-4400 og netfang hrafnhildur@arnesthing.is Hugrún Vignisdóttir, sálfræðingur, með aðsetur á bæjarskrifstofunni í Hveragerði.  Símanúmer er 483-4000 og netfang hugrun@arnesthing.is Ólína Þorleifsdóttir, kennsluráðgjafi, með aðstetur í ráðhúsi sveitarfélagsins Ölfus.  Símanúmer er 480-3800 og netfang olina@arnesthing.is