Bláskógabyggð hefur fengið úthlutað sumarstörfum fyrir námsmenn í tengslum við átaksverkefni Velferðarráðuneytisins og Vinnumálastofnunar. Stuðningur Vinnumálastofnunar miðast við ráðningu í tvo mánuði.
Störfin eru opin öllum þeim sem eru á milli anna eða skólastiga og eru 18 ára á árinu og eldri, óháð kyni.
Bláskógabyggð auglýsir því eftir starfsmönnum í eftirfarandi störf:
Skrifstofustarf ? 1 starfsmaður, 100% starf
Starfið felur í sér vinnu á skrifstofu sveitarfélagsins við skjalavörslu, skráningu eldri gagna og frágang til Héraðsskjalasafns.
Hæfniskröfur:
Góð almenn tölvukunnátta.
Sjálfstæði og frumkvæði.
Reynsla af skrifstofustörfum er kostur.
Störf að umhverfismálum ? 2 starfsmenn, bæði störfin 100% störf
Störfin fela í sér vinnu að umhverfismálum, svo sem fegrun og snyrtingu umhverfis, þar á meðal opinna svæða, stofnanalóða og létt viðhald mannvirkja. Unnið er víðsvegar um sveitarfélagið.
Hæfniskröfur:
Sjálfstæði og frumkvæði.
Vandvirkni og samviskusemi.
Umsóknir skal senda á netfangið blaskogabyggd@blaskogabyggd.is. Umsóknarfrestur er til 24. maí 2020. Laun eru samkvæmt kjarasamningi Sambands íslenskra sveitarfélaga og FOSS.
