Listasafn Árnesinga, jóladagskrá 1. des kl 20

Jóladagskrá í máli, mynd og músík ? ókeypis aðgangur, allir velkomnir, kaffi/te og piparkökur. Þetta er samstarfsverkefni Listasafnsins og Bókasafnsins í Hveragerði. Sönghópurinn Lóurnar flytja jólalög, brugðið verður á leik með Helgu Jóhannesdóttur í tengslum við bók hennar Litagleði, í safninu er myndlistarsýningin Verulegar, Brynhildur Þorgeirsdóttir og Guðrún Tryggvadóttir og lesið verður úr eftirfarandi bókum:

• Tímagarðurinn eftir Guðmund S. Brynjólfsson er saga af leit. Dregin er upp sýn á reynsluheim íslenskra karlmanna og heimsborgarinn og róninn koma líka við sögu.
• Ekki vera sár eftir Kristínu Steinsdóttur er uppgjör konu á krossgötum. Með eftirsjá hugsar hún um árin sem liðu hjá og tækifærin sem hún greip ekki ? en bíða ný tækifæri handan við hornið?
• Kaldakol eftir Þórarinn Leifsson, dregur upp fjarstæðukennda atburðarás sem við nánari athugun á sér þó ýmsar samsvaranir við samtímann. Fjárfestingarfélagið Kaldakol undirbýr stærstu Íslandskynningu sína þegar jarðhræringar verða og almannavarnir undirbúa rýmingu landsins.
• Walden eða Lífið í skóginum eftir H.D. Thoreau í þýðingu Elísabetar Gunnarsdóttur og Hildar Hákonardóttur með formála eftir Gyrði Elíasson hefur veitt mönnum innblástur og verið uppspretta nýrra hugmynda allt frá því bókin kom fyrst út árið 1854. 
• Helgi. Minningar Helga Tómassonar ballettdansara, sem rituð er af Þorvaldi Kristinssyni, er heillandi saga um sársauka og gleði, fórnir og sigra manns sem náð hefur lengra í list sinni en flestir aðrir Íslendingar.

  Velkomin að njóta, Inga Jónsdóttir safnstjóri Listasafn Árnesinga