Jólatónleikar

Söngfélagið kynnir með stolti áttundu jólatónleikana sína!

Þemað í ár kemur frá Suður-Ameríku og verða flutt tvö verk eftir argentínska tónskáldið

Ariel Ramirez, annars vegar hin þekkta Kreólamessa ?Misa Criolla? og hinsvegar

helgisagan um fæðingu Krists ?Navidad Nuestra?. Þá verða flutt nokkur vel valin suðuramerísk

jólalög. Samkvæmt hefð Söngfjelagsins verður einnig frumflutt nýtt íslenskt

jólalag. Það er samið í suður-amerískum anda af Hjörleifi Hjartarsyni kórfélaga sem

einnig er annar meðlima tvíeykisins Hundur í óskilum.

Suður-ameríska hljómsveitin INTI Fusion, ásamt hinni stórfenglegu brasilísku söngkonu,

Bruna Santana, koma fram á tónleikunum, en hljómsveitin var einnig gestur

Söngfjelagsins fyrr á þessu ári.

Haldnir verða tvennir tónleikar. Þeir fyrri verða í Skálholtskirkju laugardaginn 8. desember

kl. 16:00 og þeir síðari í Langholtskirkju sunnudagskvöldið 9. desember kl. 20:00.

Miðaverð: 4500 kr.

https://tix.is/is/event/7127/lamadyrajol-/

Um INTI Fusion

Hljómsveitin INTI Fusion var stofnuð í Noregi árið 1988 og hlaut fyrstu verðlaun á Latin

American Festival of Folk Music í Stokkhólmi strax árið eftir. Hljómsveitina skipa Salvador

Machaca (charango og panflautur) og Edgar Albitres (söngur og flautur) sem koma frá

Perú, Hector Meriles (gítar) frá Bólivíu, Carlos Jeldes (bassi) frá Chile, Héctor Novas

(trommur) frá Argentínu og Vidar Ytre-Arne (fiðla) frá Noregi. Hljómsveitarmeðlimir sækja

innblástur til Andesfjalla en einnig í evrópskan og afrískan menningararf.

Eftir að hafa unnið saman í yfir 25 ár hefur hljómsveitin

þróað einstakan hljóm sem er mjög ólíkur öðrum hefðbundnum hljómsveitum sem spila

tónlist frá Andesfjöllunum.