- mars 2021
Takmarkanir á starfsemi Bláskógabyggðar taka mið af auglýsingu ráðherra sem gildir frá miðnætti 24. mars 2021. Eftirfarandi breytingar tóku þá gildi varðandi starfsemi Bláskógabyggðar og þjónustu sveitarfélagsins vegna COVID-19.
Skrifstofa:
Skrifstofa sveitarfélagsins er með hefðbundinn afgreiðslutíma. Gætt skal að því að virða fjarlægðarmörk (2ja metra reglu). Hvatt er til þess að hafa samband við skrifstofuna með tölvupósti eða í gegnum síma, fremur en að koma á staðinn.
Bláskógaveita:
Starfsemi er hefðbundin að öðru leyti en því að starfsmenn sinna ekki álestrum og mælaskiptum inni á heimilum. Gætt skal að því að virða fjarlægðarmörk (2ja metra reglu).
Bókasafn:
Bókasafnið í Bláskógaskóla, Reykholti, er lokað á skólatíma, en opið á hefðbundnum opnunartíma utan skólatíma.
Bókasafn Menntaskólans á Laugarvatni er lokað.
Félagsheimilið Aratunga:
Lokað er fyrir útleigu á Aratungu.
Félagsmiðstöð:
Félagsmiðstöðin Zetor verður lokuð.
Gámasvæði:
Afgreiðslutími er hefðbundinn. Gætt skal að því að virða fjarlægðarmörk og vera með grímu ef ekki er unnt að virða 2ja metra reglu. Regla um fjöldatakmarkanir (10 manns) gildir á gámasvæðum.
Íþróttamiðstöðvarnar í Reykholti og á Laugarvatni:
Sundlaugar, líkamsrækt og íþróttahús eru lokuð.
Mötuneyti Aratungu:
Lokað er fyrir aðgang kostgangara að mötuneyti og gildir það einnig um gesti á stofnunum sveitarfélagsins.
Lokað er fyrir aðgang eldri borgara að mötuneyti, en þeir geta sótt mat á staðinn til að taka með heim, eða fengið mat sendan heim. Mötuneyti starfar með hefðbundnum hætti fyrir leikskóla.
Matur fyrir eldri borgara á Laugarvatni:
Enn sem komið er geta eldri borgarar á Laugarvatni ekki komið í mötuneyti ML, þar sem takmarkanir gilda.
Skólastarf í Bláskógabyggð:
Leikskólar starfa með hefðbundnum hætti þar sem takmarkanir á samkomuhaldi gilda ekki fyrir börn fædd 2015 og síðar. Takmarkanir gilda hvað varðar starfsfólk og foreldra.
Grunnskólar og frístund verða lokuð og hefst því páskafrí óvenju snemma í ár. Tilkynnt verður síðar um fyrirkomulag skólahalds eftir páska.
Velferðarþjónusta Árnesþings
Þjónusta er veitt gegnum síma og tölvupóst eða fjarfundabúnað þegar við á.
Uppsveitir s. 480-1180
Barnavernd - Tilkynningum um barnavernd skal beina á netfangið barnavernd@arnesthing.is eða í síma 483-4000. Utan hefðbundins dagvinnutíma er hringt í síma 112 ef tilkynning er þess eðlis að bregðast þurfi við henni tafarlaust.
Heimaþjónusta ? sími 480-1180. Netfang sigrun@laugaras.is
Fjárhagsaðstoð og húsnæðisstuðningur ? vinsamlega hringið í 480-1180 eða sendið tölvupóst á netfangið eyrun@arnesthing.is
Málefni fatlaðs fólks - áhersla er lögð á samskipti í gegnum síma eða tölvupóst. Sími 483-4000,
Netfang arna@arnesthing.is
Almennt um stofnanir sveitarfélagsins:
Leitast verður við að hafa fjarfundi í stað funda á staðnum og ekki verða haldnir fundir á staðnum með utanaðkomandi aðilum. Takmarka skal eins og hægt er ferðir starfsmanna á milli stofnana, en þar sem það er nauðsynlegt verði grímuskylda (dæmi starfsmaður sem sækir mat í mötuneyti, starfsmaður sem sinnir nauðsynlegu viðhaldi o.þ.h.). Heimsóknum utanaðkomandi aðila (s.s. eftirlit, viðhald, þjónusta) verður frestað ef unnt er, en ef nauðsynlegt reynist að fá utanaðkomandi aðila inn á stofnun þá er grímuskylda og skal þess gætt að viðkomandi aðili hitti sem fæsta starfsmenn, nemendur eða aðra notendur þjónustu. Í þeim tilvikum þar sem verktakar sinna ræstingum utan opnunartíma er ekki grímuskylda.
