Afsláttur á strætókortum til nemenda sem eiga lögheimili í Bláskógabyggð en stunda fullt nám á framhaldsskóla- eða háskólastigi á höfuðborgarsvæðinu

Byggðaráð Bláskógabyggðar tók  fyrir á fundi sínum þann 30. ágúst 2012 erindi varðandi afslátt á strætókortum og var eftirfarandi bókað. Byggðaráð Bláskógabyggðar samþykkir samhljóða að veita nemendum sem eiga lögheimili í Bláskógabyggð, en stunda fullt nám á framhaldsskóla- eða háskólastigi á höfuðborgarsvæðinu, 15% afslátt af 3 og 9 mánaða persónubundnum íbúakortum gegn framvísun gilds skólaskírteinis og kvittunar fyrir kaupum á umræddu korti. Þessi afgreiðsla byggðaráðs var síðan staðfest af sveitarstjórn Bláskógabyggðar   þann 6. september 2012.