Tillögur að hönnun útisvæðis Reykholtslaugar
Sveitarstjórn hefur skipað vinnuhóp vegna hönnunar og endurnýjunar sundlaugarinnar í Reykholti. Vinnuhópinn skipa Anna Greta Ólafsdóttir, Guðrún S. Magnúsdóttir og Helgi Kjartansson. Sundlaugin í Reykholti var vígð árið 1976 og er því komin til ára sinna og er farin að láta verulega á sjá. Fyrir nokkrum árum var hafin undirbúningsvinna við endurnýjun laugarinnar ásamt búnings- og sturtuklefum. Þeirri vinnu lauk með endurnýjun á búnings- og sturtuklefum og vaktrými.
Hér eru tvær tillögur sem vinnuhópurinn vill kynna fyrir íbúum og fá viðbrögð við. Vinnuhópurinn hvetur íbúa til að skoða þessar tillögur mjög vel og koma með ábendingar. Ábendingar og viðbrögð berist á netfangið blaskogabyggd@blaskogabyggd.is.
Vinnuhópurinn verður með opið hús í Íþróttamiðstöðinni í Reykholti, miðvikudaginn 10. apríl nk. á milli kl. 16:00-17:30, þar verður hægt að rýna tillögurnar með vinnuhópnum og koma fram með ábendingar.